अविरल वर्षासँगै पोखराका ठाउँठाउँमा पहिरो र बाढीले बस्ती डुबानमा परेको छ । शनिवार बिहानै पोखरा २५ सुईखेतमा डेढ सय घर डुबेको छ ।
पहिरो खसेर खोला थुनिएपछि निकास रोकिएको छ । त्यहाँका डेढ सय घरका प्रभावितलाई सुरक्षित ठाउँमा सारिएको वडाध्यक्ष मोतीराज तिमिल्सिनाले जानकारी दिए ।
वस्तीसँगै व्यावसायिक फार्महरूमा पूर्ण क्षति भएको उनको भनाई छ । यस्तै, पोखरा महानगरपालिका वडा नम्बर १६ अर्मलास्थित खोलाखेतमा रहेको एक घर पहिरोले बगाएको छ । मानवीय क्षति भने भएको छैन ।
अन्य क्षेत्रका पनि सडक बगाएको छ । यातायात अवरुद्द भएको प्रहरीले जनाएको छ ।
