काठमाण्डौ – छैटौँ संस्करणको साफ महिला च्याम्पियनशिप २०२२ को उपाधि बंगलादेशले जितेको छ ।
दशरथ रङ्गशालामा भएको खेलमा नेपाललाई तीन–एकले हराउँदै बंगलादेशले उपाधि जित्यो । बंगलादेशको जितमा स्याम सुन्हारले खेलको १४ औँ र श्रीमोती के। सरकारले ४२ र ७७ औँ मिनेटमा गोल गरिन् । नेपालका लागि अनिता बस्नेतले खेलको ७० औँ मिनेटमा सान्त्वना गोल गरिन् ।
साफ महिला च्याम्पियनशिपले यसपालि नयाँ विजेता पाएको हो । नेपाल भने पाँचौँ पटक फाइनलमा पराजित बनेको छ । यसअघि पाँचमध्ये चार पटक फाइनल खेलेको नेपाल भारतसँग पराजित हुँदै आएको थियो । यसअघिका सबै संस्करण भारतले जितेको थियो ।
सेमिफाइनलमा भारतलाई पराजित गर्दै फाइनल पुगेको नेपाल बंगलादेशसँग पराजित हुँदा फेरि पनि उपाधि जित्न असफल भयो । नेपाललाई हराएको बङ्गलादेश पहिलो पटक च्याम्पियन बन्यो ।
