फागुन १९ बाट प्रदर्शनमा आउन लागेको चलचित्र ‘छड्के २’को ट्रेलर सार्वजनिक भएको छ । ट्रेलरमा अनमोल केसीलाई समूहको नाइकेका रूपमा प्रस्तुत गरिएको छ । हिमाली जिल्ला मनाङको कथामा बनेको यो चलचित्रमा उनी ‘ग्याङस्टार’ बनेका छन् । अनमोल चलचित्रभित्रका तीनवटा ग्याङमध्ये एउटा ग्याङको नाइके रहेका छन्।
चलचित्रमा रोविन तामाङ, कमलमणि नेपाल, देवकुमार श्रेष्ठ, सिर्जना सुब्बा, देवु श्रेष्ठ, रेशा आलेमगर, इयान स्कट क्लेमेन्ट, सन्तोष मिजार, अफरान अलिलगायतका कलाकारको अभियन छ । चलचित्रमा निगम श्रेष्ठको निर्देशन रहेको छ भने निर्मातामा प्रशान्त गिरी र देवकुमार श्रेष्ठ रहेका छन।
फागुन १९ मा नै अर्को चलचित्र छक्का पन्जा ४ पनि प्रदर्शनमा आउने भएको छ।






