पूर्व प्रधानमन्त्री डा.बाबुराम भट्टराई र काठमाडौं महानगरपालिकाका मेयर बालेन्द्र शाहबीच भेटवार्ता भएको छ । शुक्रबार भट्टराईको निवासमा मेयर शाह र उनीबीच भेटघाट भएको हो ।
दुईजनाबीच भएको भेटवार्ताको फोटो सामाजिक सञ्जालमार्फत डा.भट्टराईले सार्वजनिक गरेका छन् । उनले काठमाडौं महानगरपालिका मेयर बालेन शाह र टिमसँग महानगरपालिकाका समस्या र योजनाबद्ध विकासबारे सार्थक विमर्श गरेको भन्दै सफलताको शुभकामना व्यक्त गरेका छन् ।
मेयर शाह र भट्टराईबीच काठमाडौं महानगरपालिकाका समस्या, गर्न सकिने कामहरुका बारेमा छलफल भएको बताइएको छ ।
